%2008.52.40.png)
San Miguel Liga hasi aurreko azken zita izan zuten Orioko arraunlariek Lekeition. Bizkaiko Arraun Federakuntzak antolatutako estropadan Hondarribia izan zen irabazle gizonezkoetan eta Hibaika emakumezkoetan.
Emakumezkoetan Oriok ez zuen estropadan parte hartu. Hibaika egin zen banderarekin, 10:48:92 denborarekin, atzetik Arraun Lagunak, Getaria-Zarautz, Hernani eta Hondarribia izan ziren.
Gizonezkoetan Oriok parte hartzeaz gain, goiko postuetan sailkatu zen, bigarren, hain zuzen. Irabazleak hondarribiarrak izan ziren. 19:46:23 denborarekin Ama Guadalupekoak irabazi zuen. Orio 11 segundora sailkatu zen eta San Juan hirugarren, 17 segundora.
Orio B taldeak 20:41:36 denbora egin zuen. 25 ontzietatik 17. postuan sailkatu zen B taldea, irabazlearengandik 55 segundora.