Balea, balea!

eta Talai Mendi txaranga! https://twitter.com/hashtag/baleareneguna?src=hash">#baleareneguna https://t.co/DOt0fGdaA9">pic.twitter.com/DOt0fGdaA9

— Karkara (@karkaraeus) https://twitter.com/karkaraeus/status/73148228989…">2016(e)ko maiatzak 14

Harribil dantza taldekoen koreografia zati bat:

Bertsoak eta dantza! https://twitter.com/hashtag/baleareneguna?src=hash">#baleareneguna https://t.co/dvOEpofoyH">pic.twitter.com/dvOEpofoyH

— Karkara (@karkaraeus) https://twitter.com/karkaraeus/status/73144146856…">2016(e)ko maiatzak 14

Herri bazkaria egin dute Etxeluze gaztetxean. Jende ugari bildu da

Trikitilariak! https://twitter.com/hashtag/baleareneguna?src=hash">#baleareneguna https://t.co/gfLU1XcvUx">pic.twitter.com/gfLU1XcvUx

— Karkara (@karkaraeus) https://twitter.com/karkaraeus/status/73148178038…">2016(e)ko maiatzak 14

Bertsolariekin batera dantzariak ere izan dira moilan. Harribil dantza taldeko lagunek egin dute dantza Balea erriotik begira dutela.

Goizeko 11:00ak inguruan, Hondarribiako Hiru ahizpak batelaren botadura egin dute. Enbarkazio ugari bildu dira errioan eta apaizak batela bataiatu du. Honela hasi da festa.

Botadura eta gero hasi da herri antzerkia, 11:30ak inguruan. Plazan saregileak aritu dira antzezle lanetan, sare josten.

Antzerkia plazan ez ezik, herriko beste hainbat gunetan ere egin da. Zakilaneko aldapan, elizaren magalean, hainbat antzezlan egin dituzte, baita Piliku plazan ere.

Antzerkia amaitzean saregileei omenaldia egin diete Saltxerek. Omenaldian Rosi Lazkanok idatzitako bertsoak kantatu dizkiete sare josten ibilitako emakumeei:

Mila bederatzirehun
ta lehenengo urtian,
nahiz ez ditugun hartu
aintzat gaur artian,
emazte eta amak
ez lanan faltian
gizonezkok arrantzan
ziren bitartian

Bost ume egindako
hamaika emazte,
aita ikusi gabe
igual lau-bost aste,
etxean zeukatenak
zeregin hainbeste
moilara joaten ziren
deitu bezain laiste.

Pisuz ez ziren mila
ta berrehun arrua,
hala ere nola ez
xamurtu barrua,
aitortzea ez denez
ekintza harrua
har dezatela gure
txaloen orrua.

Hau horrela ez bada
herriari galde,
zenbat lan egin zuten
goiz ta arratsalde
bale haren arrantzak
zituen bi alde
eta gu gaude biei
kantatzean alde.

Sardinak ere banatu dira Balearen Egunean. Jende mordoa bildu da plaza ondoan, erretegiaren parean. Ilara luzeak eragin ditu sardinaren janak.

Bertsotan ere hasi dira. Omenaldiaren ondoren, moila bazterretik kantuan aritu dira Jon Maia, Uxue Alberdi eta Xabier Sukia. Bertsolarien ondoan izan dira Peio eta Nikolasa ere.