Oartxoagan umeentzako jardunaldiak egin dituzte, eta horren harira, Txirula Kultur Taldeak, XIII. Mugarik Gabeko Haur Ipuin Lehiaketa antolatu du. Haur literaturgintza bultzatzea du helburu lehiaketak, literatur genero hori ahalik eta gehien hedatzea.
Txapelketak lortu du zabalkundea, behintzat. Oriotar bat eta guzti aurkeztu da, Marisa Arruabarrena. Eta ez du nolanahiko partaidetza eduki, saritua izan baita. Pure berdea izeneko ipuina idatzi du Arruabarrena; eta, nola ez, Orio, oriotarrak eta Orioko kontuen inguruan idatzi du.
Ipuin lehiaketako irabazleen hainbat ipuinen irakurketa egin zen igandean, maiatzaren 10ean, eguerdiko 11:45ean.