Emeterio Iribar koalizioko zerrendaburua aurkezteaz gain, bere alboan lanean ariko den lan taldea ere aurkeztuko dute bihar, 19:00etan hasita, kultur etxean. Orioko EH Bilduren taldeaz gain udal herri programaren nondik norakoak ere azalduko dituzte.
Bi kontu horiek –hautagai zerrenda eta herri programa– prozesu parte hartzaile eta irekien bitartez osatu dituzte. Herritarrengana urbiltzeko ahaleginean urrats bat gehiago emango dute biharko ekitaldian, baina beste pauso bat aurrera ere egin nahi dute. Beren esanetan, boz-emaileekin harremanak sendotu eta harremanak izateko bide egokiak finkatu nahi dituzte.
Data aldaketa Ekitaldi Nagusian
Apirilaren 23an egitea aurreikusi zuten hasieran, baina, azkenean, data aldatu eta apirilaren 28an egitea erabaki dute. Bihar izango da orduan aurkezpen ekitaldia, asteartearekin, arratsaldeko 19:00etan Orioko kultur etxean.