%2015.13.56.png)
Harribil dantza taldea sortu berritan hasi ziren berriro herriko festetan dantza sueltoko txapelketak antolatzen. Duela 18 urte inguru izan zen hori. Gortzintzi dantza taldeko kideek Harribil sortu zutenean.
Itsas bazterreko harkaitz biribilari egiten dio erreferentzia izenak. Taldea, urtez urte forma ematen joan da txapelketari. Biribil-biribilak izaten dira antolakuntza eta partaideen kalitate aldetik. Aurtengoa 18. edizioa izango da. 12:00etan hasiko da, herriko plazan.
Aurretik ere txapelketak herrian
Duela 18 urtetik hona urtero-urtero antolatu den arren, lehenago ere egiten ziren dantza sueltoko txapelketak Orion. 1970. urtearen bueltan egindakoak gogoan dituzte herritar bat baino gehiagok.