Erria Txikota! kantuak badu bideoklipa; eta orain, koreografia ere bai. Harribil dantza taldea arduratu da abestiari dantzarako pausuak jartzen. Orioko txoko ezberdinetan grabatu dituzten irudiekin bideoklipa osatu dute, eta bertan ikusi daiteke asmatutako koreografia.
Bideoan agertzen diren jantziak Goiuri Unanuek eginak dira. Argi-ilunak ikuskizunerako erabilitako jantzia birmoldatu eta arrantzale kutsua ematea izan da oriotarren eginkizuna. Ilusioarekin egindako lana izan da Unanuerentzat; oso gustura aritu da, esperientzia polita izan baita berarentzat.