Ariketa polita bezain zaila jarri zuten larunbatean Orioko plazan. Hainbat arrain jarri zituzten mahai batean, eta bakoitzaren izena asmatu behar zen. Erantzun egokien artean otordu bat zozketatuko zen Bisiguaren Festan bazkaldu edo afaltzeko. Asmakizuna, ordea, zaila zen, ez baitzuen inork zuzen erantzun.
Lehengo urtean ere egin zen lehiaketa eta ez zen irabazlerik izan. Aurtengoan ere ez du inork asmatu arrainen izen guztiak euskaraz eta zuzen idazten. Dena den, ez zen garaileak izendatzeko helburuarekin sortu ekimena. Kultur ondarea transmititzeko dagoen beharraren erantzule sortu zen Zenbat arrain ezagutzen dituzu? lehiaketa, galtzen ari den itsas-ondarea bereskuratzeko ideiarekin.