Gaurko egunez atera zen Karkararen lehen alea; 25 urte atzera eginda, 1989an. Ordutik bide zidor dezentetan ibili da, baita maldan gora ere. Herritarren hauspoarekin, langile askoren militantziarekin eta laguntzaileen fedearekin kale estutik etorbide zabalagora egin du paso. 25 urte hauetako historia, istorioak eta bizipenak biltzen ditu Jon Garate eta Iñigo Expositok egindako bideo-erreportajeak.