Festetarako ekimen berezia egin zuen Kilometroak 2014 jaiaren alde Orioko Herri Ikastolak. Sanikolasetarako ireki zuten tabernan, aurkezpen ekitaldian erabilitako txikota jarri zuten jende guztiaren begien aurrean eta porra bat osatu zenbat neurtzen zuen galdetuta.
Guztira 890 lagunek egin zuten apustu eta atzo, abenduaren 8an, iluntzeko 19:30ean, San Nikolas kaleko karkaran egin zuten neurketa irabazlea nor izan zen jakiteko. Guztietatik gertuen Itziar Olasagasti oriotarra ibili zen, 150,3 metro zituela esanda egin zuen apustu eta 150,5 metro ditu txikotak.
Olasagastirentzat izan da, beraz, apustu onenari zegokion saria.
