Zaharrak Berri argazki zaharren ataleko iraileko argazkia Oriokoa da. Argazkia 1909. urtekoa da, eta bertan Orioko arraunlariak ageri dira. Traineruaren atzean, baporeak ikusten dira.
1901eko irailaren 9an irabazi zuten Orioko arraunlariek Donostiako lehen bandera, Manuel Olaizola patroi zutela. Zazpi urteko etena izan zuen Donostiako estropadak, eta 1909an jokatu zuten berriz. Urte hartan, oriotarrek beren bigarren bandera irabazi zuten, berriro ere patroi Manuel Olaizola zutela, balea harrapatu zuten bost patroietako bat.
Argazkia Iñaki Iturainen Orio. Historia argazkitan liburukoa da.