Kantatutzera indar aundiko
desio batek narama,
Kontxesi zuri nai dizut eman
merezia dezun fama:
gure probintzi Gipuzkoakuan
igualik gabeko dama;
berinkatuba izan dedilla
zu eman zinduben ama.
Zedorrek uste etzenubela
egon nitzaizun begira;
lendabiziko oñetara; ta
urrena berriz gerrira;
oñak dituzu txiki politak;
gustagarriak txit dira;
gerriak berriz eman litzazke;
kana bat zintak bi jira.