Asteburu honetan jokatu da Albaceten (Espainia) 20 urtez azpiko Espainiako Atletismo Txapelketa. Probak Albaceteko Unibertsitateko pista irekian izan dira. Probak larunbatean goizeko 9:00etan hasi eta igandean 21:30ean amaitu dira.Txapelketak estatu mailako atleta hoberenak elkartu ditu Albaceten. Guztira, 830 atleta izan dira.
Horien artean, Kamel Ziani atletismo klubeko Lucia Paradak, Irati Agirrezabalek eta Naroa Azkuek parte hartu dute. Paradak 400 metroko finalderdia egin zuen larunbatean, 12:25ean, 57,43 denborarekin eta hamabigarren postua lortu zuen. Hamar minutu geroago, hau da, 12:35ean, Agirrezabalek parte hartu zuen 400 metroko beste finalaurrekoan, 1.04,46 denbora eginez, eta sailkapen orokorrean hogeita hirugarren geratuz. Eta azkenik, Azkuek 400 metro hesi lasterketa egin zuen larunbat arratsaldean, finalerdia, honek ere, 1.06,50 denborarekin, eta orotara hamazazpigarren sailkatu zen.