Asteburu honetan jokatu da Absolutoen Gipuzkoako Atletismo Txapelketa Mojategiko (Arrasate) pista irekian, eta Sunahi Huegunek irabazi du 800 metroko lasterketa, 1:51.92 denborarekin, bere marka pertsonala hobetuz, bide batez. Azpimarratzekoa da lasterketan Aitor Iturraldek hasierako 400 metrotan egindako erbiaren lana, ondoren erretiratuz.
Bestalde, Naroa Azkuek zilarrezko domina lortu du 400 metro hesi lasterketan, 1:05.28 denbora eginez. Djiara Ndao, berriz, hirugarren izan da 400 metroko lasterketan 57.04 denborarekin, eta Lucia Parada bosgarren, 57.66 denborarekin. Gainera, Djiarak Realarekin parte hartu du 4x100 errelebo lasterketan, 48.43 denbora eginez eta hirugarren postua bereganatuz.
Bestetik, Xare Elortzak 1.500 metroko lasterketan parte hartu du 5:27.48 denborarekin, seigarren geratuz eta bere marka pertsonala gaindituz. Eta Julene Iturriotz bederatzigarren izan da 800 metroko distantzian, 2:30.14 denborarekin, honek ere, bere marka pertsonala hobetuz.
Azkenik, Josu Solaberrieta bosgarren izan da 400 metroko lasterketan, 56.47 denborarekin.
Beraz, berriro ere asteburu paregabea Orioko Kamel Ziani Atletismo Klubeko korrikalarientzat.