Errealeko emakumezkoen taldea gailendu zen pasa den larunbatean, maiatzaren 30ean, Burgosen, bigarren mailako kluben Espainiako Txapelketako A finalean, lehen mailara igotzea lortuz. Jardunaldi gogorra izan zen arren, Erreala programako sei probatan nagusitu zen, hirutan bigarren izan zen eta beste hirutan hirugarren.
Oso proiektu gaztea eta ondo kudeatua izan da Errealarena eta bere helburu nagusia lortu duena, hau da, lehenengo mailara igotzea, guztira 114 puntu lortu bait ditu Errealak. Puntu horien artean, lau puntu Djiarak lortu ditu, 200 metroko lasterketan, 25.49 denborarekin, bosgarren sailkatuz. Beste lau puntu, berriz, Lucia Paradak lorturikoak izan dira 400 metroko lasterketan, 57,84 denborarekin, bosgarren postua bereganatuz. Zazpi puntu 4x100 errelebo lasterketan irabazi ziren, Djiararekin parte hartzearekin eta bigarren geratuz. Eta zortzi puntu 4x400 errelebo lasterketan lortu ziren Lucia Paradaren partehartzearekin eta lehengo postua eskuratuz, bide batez.
Bestalde, sailkapen orokorrari dagokionez, Erreala lehenengo postuan geratu zen 114 punturekin. Atletismo Albacete bigarren izan zen (106 puntu), Ciudad de Lugones hirugarren (102 puntu), Club Atletismo Valladolid laugarren (100 puntu), Imaga FDR bosgarren (96 puntu), VA VIC seigarren (77 puntu), CA Tarragona zazpigarren (71 puntu) eta CA Elche Decathlon zortzigarren (56 puntu).