Atzo, larunbata, 15:30etik aurrera, Landako ( Durango) kiroldegiko pista irekian jokatu zen Euskadiko Master MAS 35 Atletismo Txapelketa, eta Aitor Iturraldek irabazi zuen 800 metroko lasterketa, 2:00.57 denborarekin.
Bestalde, pasa den larunbatean, maiatzaren 23an, Mojategiko pista irekian (Arrasate) parte hartze libreko probak izan ziren, eta Aitor Iturralde atleta oriotarrak 800 metroko lasterketan, Master MAS 35 kategorian, Espainiako urteko markarik hoberena egin zuen, 1:55:47 denborarekin.