Alberto Rebollok Urrezko Kirol Txartela eskuratu zuen astelehenean Donostiako Udaleko pleno aretoan izandako Kirol Txartelaren sari banaketaren 12. edizioan. Urrezko txartela, estatuko nahiz nazioarteko txapelketetan, Kemen Kirol Elkartearen izenean atletismo egokituan egindako lorpenengatik jaso du Rebollok.
Guztira, Donostia Kirola sailak 82 Urrezko Kirol txartel banatu ditu aurtengo edizioan. Sarituen artean 77 txartel kirolarien artean banatu ziren, eta bost kirol elkarteek jaso zituzten. Urrezko Kirol Txartelaren bitartez, Rebollok Donostiako kirol instalazioak dohainik erabiltzeko aukera izango du.
Donostiako Urrezko Kirol Txartela eskuratu izanak kirol arloan oriotarrak egindako lorpenak, esfortzua, eta errendimendua isladatzen ditu.