Larunbatean egun osoan zehar jokatu zen 18 eta 20 urtez azpiko Euskadiko Atletismo Txapelketa Donostiako Anoetako pista irekian, eta Kamel Ziani atletismo taldeko korrikalariek emaitza ezin hobeak lortu zituzten. Lucia Paradak, esaterako, lehenengo postua lortu zuen 400 metroko distantzian, 20 urtez azpiko mailan, 58:32 denbora eginez eta urrezko domina eskuratuz.
Ibai Agirrezabal, berriz, laugarren tokian geratu zen, 200 metroko distantzian, 20 urtez azpiko kategorian, 22:64 denborarekin; bide batez, bere marka pertsonala hobetu zuen.
Eta Naroa Etxeberriak, berriz, 800 metroko finalean parte hartu zuen, 18 urtez azpiko mailan, 2:31,75 denbora eginda, hamargarren postua lortuz.