Pasa den asteburuan, martxoaren 9an eta 10ean, jokatu ziren Sant Jaume d´Envejan [Tarragona, Herrialde Katalanak] 2024ko Espainiako Arraunergometro Txapelketa eta VI. Open España Indoor Arraun proba, eta Alberto Rebollo oriotarrakOrioko Arraun Elkartearen izenean zilarrezko bi domina eskuratu zituen bigarren proba horretan.
VI. Open España Indoor Arraun proban 500 metro Sprint paralinpiko mailan lehiatu ondoren, bigarren postua lortu zuen 1:46.2 denbora eginez, eta 2000 metro paralinpiko kategorian berriz, bigarren postuan geratu zen, 7:47.4 denbora markatuta.
Gainera, Espainiako Arraunergometro Txapelketa ofizialean ere parte hartu zuen 2000 metro paralinpiko mailan, eta 9:47.4 denbora markatuta eta bosgarren postua eskuratu zuen. Dudarik gabe, emaitza paregabeak kirolari oriotar honentzat.