Pasa den igandean, otsailaren 4ean, jokatu zen M35-M50 mailako Euskadiko Atletismo Txapelketa Donostiako belodromoan, eta oriotarrak protagonista izan genituen. Izan ere, Kamel Zianik (Orioko Kamel Ziani A.T) urrezko domina eskuratu zuen 3.000 metroko lasterketan, 8:55.31 denbora markatuta eta Espainiako urteko markarik onena ezarriz M50 kategorian.
Josu Solaberrietak (Orioko Kamel Ziani A.T) berriz, urrezko domina lortu zuen M40 kategorian, 800 metroko lasterketan, 2:11 denbora eginez eta Alberto Rebollok (Atletismo Tolosa C.F) zilarrezko eta brontzezko dominak eskuratu zituen, M40 mailan, 200 metro eta 400 metroko lasterketetan, 28:34 eta 1:04.99 denborak markatuta, hurrenez hurren. Gainera, Alberto Rebollok 60 metroko lasterketan, ehuneneko batenagatik ez zuen brontzezko domina lortzerik izan.