Lehenengo lasterketa pista estalian. Zer nolakoa izan da?
Elaia Lasarte: Sentsazio onak izan ditut.
Xare Elortza: Sentsazio onak izan arren, oso desberdina da pista estalia eta aire libreko lurra.
Julene Iturriotz: Ondo sentitu naiz, baina desberdina da, airea ez duzu berdin hartzen.
Djiara Ndao: Ondo, baina oso desberdina da.
Zer nahiago duzu, pista ala aire librea?
E.L.: Pista nahiago dut, hobeto kontzentratzen naizelako eta txikiagoa eta erosoagoa delako.
X.E.: Aire librea nahiago dut, jendeari gutxiago entzuten zaiolako.
J.I.: Aire librea nahiago dut, pistan ez dagoelako aire asko, eta horrek larritzen nau eta gainera denbora guztian bueltaka joan behar duzu.
D.N.: Aire librea nahiago dut pistan estutu egiten naizelako.
Non entrenatzen duzu pistan? Eta nolakoak dira entrenamenduak?
E.L.: Hernanira joaten gara astean behin eta seriek egiten ditugu.
X.E.: Astean behin Hernanira joaten gara serieak egitera, baina Orion ere egiten ditugu.
J.I.: Laukote polita osatu dugu eta Hernanira eramaten gaituzte serieak egitera.
D.N.: Hernanin entrenatzen dugu normalean, eta batzuetan Orion, hondartzan eta Motondo inguruan.
Zer distantzia duzu gustukoen?
E.L.: Niri distantzia motzak gustatzen zaizkit, bostehun edo seiehun metroko distantziak.
X.E.: Motzak, ehun edo berrehun metrokoak edota oso luzeak, mila eta mila eta bostehunekoak.
J.I.: Bi kilometrokoak gustatzen zaizkit.
D.N.: Ez oso motzak eta ez oso luzeak.
Gustura al zabiltza atletismoan eta zergatik?
E.L.: Oso gustura nago, txikitatik gustatu zaidalako korrika egitea.
X.E.: Oso gustura nago, txikitatik gustatu zaidalako atletismoa eta nire familia osoa atletismoan dabilelako.
J.I.: Oso gustura nabil, laukote bat osatu dugu, eta eguneroko bizitzan asko laguntzen didalako.
D.N.: Ni ere oso gustura nabil.
Zer helburu dituzu epe motzean?
E.L.: Euskadiko Atletismo Txapelketan parte hartu ahal izatea.
X.E.: Euskadiko Atletismo Txapelketan parte hartzeko gutxieneko marka lortzea.
E.L.: Euskadiko Atletismo Txapelketan parte hartu ahal izatea eta egunerokotasunean pixkanaka markak hobetzen joatea.
D.N.: Euskadiko Atletismo Txapelketan parte hartu ahal izatea.