Bizitza harriak jasotzen nahiz epaile lanetan eman duen Joxe Inazio Saizar Lusarbe oriotarrak merezitako aitortza jaso zuen joan den igandean Aiako Probalekuan. 24 harri-jasotzailek parte hartu zuten, eta historiadun harriak eraman zituzten bizkarrera: behinola Lusarbek jaso zituen berberak. Garrantzitsuena, 202 kiloko harriarekin egindako erakustaldia izan zen, pieza harekin lortu baitzuen 1989ean gaur arte inork gainditzerik izan ez duen marka: bere pisua (66 kilo zituen orduan) halako hiru zituen harria altxatzea. Erronka Anjel Iturrik bota ziola esan zuen Lusarbek berak ekitaldian. Orioko alkate izan zen Iturri.
Hemen ikus daitezke igandeko ekitaldiko argazkiak eta kronika, eta saioa telebistaz ikusi nahi duenak, berriz, igande honetan izango du aukera, eguerdian emango baitute ETB1 telebista katean.