Daniel Scott musikari argentinarrak bere aurreneko euskarazko rap diskoa kaleratu du. Herri Berria izenburupean, guztira hamabi abestik osatu dute lana, eta oro har, "gatazka sozialez, justiziaz, aldaketaz eta espiritualtasunaz" hitz egin du Orioko bizilagunak. "Hainbeste iluntasun, indibidualismo, injustizia eta ezberdintasunen erdian, herri berri bat behar dugu", esan du musikariak diskoaren izenburuaz.
Hori horrela, diskoa dagoeneko salgai da Bilboko Brixton musika dendan. Streaming bidez entzuteko aukera ere bada, YouTuben, Spotifyn eta beste plataforma digitaletan.