Sare sozialetan agertu da irudia: auto bat, Orioko 'Beti San Luis' arrantzontzira erorita. Ez Orion, Gijongo (Espainia) portuan baizik. Herriko arrantzaleei galdetuta, horiek diote ohiko gertakaria dela. Autoari eskuko balazta jartzea ahaztu, eta autoa poliki-poliki putzuraino erortzen dela; kasu honetan, itsasontzi gainera edo barrura.
Getariako moilan, esaterako, askotan pasatzen dela diote; Zarauzko malekoian ere gertatu izan da. Orion, gutxiagotan, dirudienez.