Izaten da kolorea eta aldarria Orioko udaletxeko balkoian urtean zehar. Ekainean, esaterako, LGTBIQ+ kolektiboaren koloreak egon dira esekita, eta festetan, haien bandera eta herriarena.
Arrantzale Egunean, arrantzale sarea ere egon zen zintzilik.
Uda sasoian herriko arraun traineruak animatzeko zapi horia ere jartzen da udaletxeko balkoian. Joan den asteburuan hasi zituzten Eusko Label eta Euskotren ligak (KAE1 lehenago hasia zen), eta aste honetan iritsi da horia balkoira, baina diseinu berrituarekin: izan ere, balkoiaren alde banatan zapi bertikal handiak jarri dituzte Aupa Orio leloarekin.
(Argazkia: Joxemari Olasagasti)