Patxi Etxeberria bertsolari estimatua izan da Orion eta Euskal Herri osoan. Lehenbizi arrantzale eta ondoren arrain saltzaile aritu zen Patxi, emazte Inaxirekin batera arraindegia izan zuten Lasarten. Herritik kanpo bizi arren ez zuen inoiz San Martin auzoarekin eta Oriorekin harremana eten. Errikotxiako hiru bertsolarik, Egoitz Eizagirrek, Ibai Esoainek eta Xabier Sukiak, bertso bana abestu zioten Pako Erretzabali 2009. urteko irailaren 27an Lasarten egin zitzaion omenaldian.
Arrantzalea izan da Patxi,
lehen esan dute horrela,
sardina eta antxo bakarrak
ez du betetzen sabela.
Hamar, hamaika edo hogei jan
bat ez da aspertzen bela,
hiru hitzetan esan behar banu
Patxin bertsoa bezela.
Gaztetatik arrantzara
han sareak zabaldu
harrapatu ta saldu
arraindegin ere berdin
sobratzen zena salbu.
Zapo, legatz ta bisigu
ekarri dizkiogu
kutxa hontan buruz buru,
oraindikan arrain feskoik
ez zun jango seguru.
Bronxen Inaxi peskaderia
kaja hori bezela zan,
bi urreburu urraburutan
inoiz erre, inoiz saltsan.
Hegan dakien hegaluzea
beti hitzaren arrantzan,
Lasarten bada bisigu eder bat
Orio estilora brasan:
ari ta ari beti kantari
kantauri zaharreko plazan.