Larunbatean I. Musika Banden Topaketa egingo dute Villabonan. Bertan parte hartuko dute Tolosako Eduardo Mokoroa Musika Eskolak, Loatzo Musika Eskolak eta Orioko Danbolin Musika Eskolak. Oriotik, 40 ikasle joango dira topaketara, Olaia Askasibar bandako zuzendariarekin batera.
Arratsaldeko 17:30ean, kalejira bat egingo dute Villabonako kaleetan barrena, eta 18:30ean, kontzertua eskainiko dute, Txistularien enparantzan. Kontzertuan, Danbolin Musika Eskolako ikasle txikien bandak, "Swahili Folk Hymn" abestia joko du, eta ikasle gazteen bandak, "Loretxoa" eta "The best of Queen". Ondoren, bi bandek batera "Raimons" joko dute. Kontzertuari amaiera emateko, banda guztiek batera "Xalbadorren Heriotzean" abestia eskainiko dute.
Danbolin Musika Eskolak Villabonako Musika Banden Topaketan parte hartuko du, larunbatean
Loatzo Musika Eskolak I. Musika Banden Topaketa antolatu du Villabonan, larunbaterako.
Orio Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide