Urtero bezala, larunbatean, Danbolin Musika Eskolako ikasleek dantza emanaldia eskainiko dute Karela kiroldegian, 17:00etan.
Bi saio izango ditu emanaldiak: lehenengoan tailerreko ikasleek egingo dute dantza, eta bigarrengoan ikasle helduagoek.
Lehenengoan, Elena Errasti eta Ander Errasti irakasleekin ikasten ibili diren, 4 urtetik 6 urte bitarteko ikasleek parte hartuko dute. Dantzatuko dituzte: Antton bat eta Antton bi, Eusakaraz gazte eta Tarrabillon.
Bigarrean saioan, Ander Errasti irakaslearekin ikasten ibili diren, 7 urtetik 15 urte bitarteko ikasleek parte hartuko dute eta dantza hauek egingo dituzte: Agurra, Bolant dantza, Ezpata dantza, Zinta dantza, Zuberoako makil dantza, Lasai Lasai, Txantxo dantza, Arin Arina neska zaharrak eta Mundu berri baten mapa.
Otsailaren 23an, larunbatean, 17:00etan izango da dantza emanaldia, Karela kiroldegian.
Orio Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide