Otsailaren 24ean, larunbatean, Danbolin Musika Eskolako ikasleek dantza emanaldia eskainiko dute Karela kiroldegian, 17:00etan.
Bi saio izango ditu emanaldiak: lehenengoan tailerreko ikasleek egingo dute dantza, eta bigarrengoan ikasle helduagoek.
Lehenengoan, Jurdana Otxoa eta Ander Errasti irakasleekin ikasten ibili diren, 4 urtetik 6 urte bitarteko 52 ikasleek parte hartuko dute. Dantzatuko dituzte: Zing went the strings of my heart, Walk'em eta Jeepers creepers.
Bigarren saioan; Ander Errasti irakaslearekin ikasten ibili diren, 7 urtetik 15 urte bitarteko 109 ikasleek parte hartuko dute eta dantza hauek egingo dituzte: Zelaian, Ikusi mendizaleak, Behin betiko, Maritxu, Itsasontzi baten, Orain da, Loretxoa, Gaztetxea bizirik, Guk euskaraz, Aske maitte, Bagare eta Zerotik.
Dantza emanaldia eskainiko dute Danbolin Musika Eskolako ikasleek
Orio Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide