Azaroaren 22an, asteartean, Santa Zezilia eguna ospatuko da. Hori dela eta, Danbolin Musika Eskolako ikasleek bi ekitaldi antolatu dituzte azaroaren 21ean, astelehenean:
17:00etan, musika eskolan hasi eta herriko kaleetan barrena, kalejira bat egingo dute. Bertan hartuko dute parte, instrumentu desberdinetako ikasleek eta dantzariek.
19:00etan, kultur etxean hasiko den kontzertuan, berriz, instrumentu ugari entzuteko aukera izango dugu. Musika mintzairako ikasleek ere abestuz parte hartuko dute.
Kontzertua amaitu ondoren, diplomak banatuko zaizkie 2015-16 ikasturtean 1., 2. eta 3. maila bukatu zuten ikasleei.