Danbolin Musika Eskolak 30 urte bete ditu. Hori ospatzeko asmotan, ekitaldi desberdinak antolatu dituzte musika eskolan.
Apirilak 15 ostiralean, 19:30etan Arraunetxean, kontzertu bat eskeiniko dute. Bertan, instrumentuko talde desberdinek ondorengo abestiak joko dituzte:
- Kantuko ikasleak: "La paloma" eta "Herri".
- Txistu taldeak: "Polka" eta "Alboka rocka joka".
- Gitarra taldeak: "Suit re menor" eta "Oh happy day".
- Soka taldeak: "Gabriel's oboe" eta "Charleston dixie".
- Trikitixa taldeak: "Compostelako erromesa" eta "Pasodoblea".
- Bandak: "I will follow him" eta "Santana a portrait".
Apirilak 16 larunbatean, plazan (eguraldi txarra egiten badu frontoian), egun osoan zehar, ondorengo ekintzak egongo dira:
- 10:00etan, ikasleen kalejira herrian zehar.
- 11:30etan, ikasleentzat esku-lanak.
- 12:30etan, tailerra, musika mintzaira eta dantzako ikasleen saioa.
- 14:15etan, bazkaria.
- 16:00etan, karaokea.
- 17:00etan, txokolatada.
- 17:30etan, erromeria izango da "Bide batez" taldearekin.