Urtarrilaren 30ean, larunbatean, Danbolin Musika Eskolako ikasleek dantza emanaldia eskainiko dute, Karela kiroldegian, 17:00etan.
Bertan parte hartuko dute, Ander Errasti irakaslearekin ikasten ibili diren 233 ikasleek, 4 urtetik 13 urte bitartekoek. Musika eskolako instrumentu desberdinetako ikasleek ere parte hartuko dute bertan.
Bi saio izango ditu emanaldiak; lehenengoan tailerreko ikasleek egingo dute dantza, eta bigarrengoan ikasle helduek. Tailerreko ikasleek, munduko hainbat herritako lau kanta dantzatuko dituzte: Samoth –Israel–, Corridinho de Nazare –Portugal–, In the streets –Usa– eta Txulalai –Euskal Herria–.
Dantzako ikasle helduek, berriz, ondorengoak dantzatuko dituzte: Agurra, Sagi dantza, Kaxkarot, Makil txiki, Ingurutxo, Arratia, Launako, Ormatxulo, Zuberoako makil dantza eta 4 koreografia.