53 urteko emakume bat hiltzea leporatuta, 47 urteko gizonezko bat atxilotu zuen atzo Ertzaintzak Zarautzen. Hilketa matxista gaitzesteko, Zarauzko Udalak elkarretaratzea deitu du 19:00etan Lege Zaharren Enparantzan, eta jarraian, 19:15ean, manifestazioa abiatuko da leku beretik, hainbat eragilek deituta, Erailketa matxistarik ez lelopean.
Orioko Mugimendu Feministako kideek Zarauzko manifestaziora batzeko deia egin dute. Aian, berriz, herrian bertan egingo dute protesta: 19:30ean izango da, Herriko plazan.