Eskualde osoan txartel bidez zabaldu behar dira organikoaren eta errefusaren edukiontziak aurrerantzean. Hala, Urola Kostako Udal Elkarteak nabarmendu du derrigorrezkoa dela hondakinak gaika biltzea eta frakzio bakoitza dagokion edukiontzian uztea. Gainera, azpimarratu du erabat debekatuta dagoela hondakin poltsak edukiontzien kanpoaldean uztea.
Etxebizitza bakoitzak bere txartela du, eta horrekin etxebizitzari dagokion bilketa puntuko organikoaren eta errefusaren edukiontziak soilik ireki daitezke. Hala, UKUEk gogorarazi du txartela galdu edota hondatu zaienek, Urola Kostako Udal Elkartean eskatu behar dutela berria, aurrez aurreko arreta zerbitzuan; astelehenetik ostiralera, 09:00etatik 14:00etara dago zabalik. Horrez gain, 943-89 08 08 telefono zenbakira deitu edo hondakinak@urolakosta.eus e-postara ere idatzi daiteke.