Ekainak 11 izango da udako Mintzalagun programan izena emateko azken eguna. Horretarako, Orioko euskaltegira jo edo telefonoz deitu (625485215) behar da, programaren arduradunarekin (Eukene) hitz egiteko. Posta elektronikoz ere egin daiteke inskripzioa: urolakosta@aek.eus
Euskaraz dakiten pertsonak eta ikasten ari direnak harremanetan jartzea da Mintzalagun programaren helburua. Hala, ordubeteko hitzorduak egiten dira astero, aurrez aurreko hizketaldien bitartez ahozkoa eta entzumena lantzeko. Ikasturte honetan, 70 pertsona inguruk parte hartu dute programan Urola Kostan, hiruzpalau laguneko talde txikietan banatuta. Azken hilabeteotan ekimenak izan duen arrakastak bultzatuta, udan ere antolatzea adostu dute.