Maiatzeko aldizkaria eduki interesgarriz josia dator. Alde batetik, erreportajea argitaratu du KARKARAk, izurriteak sortutako krisian murgilduta, gazteek etorkizunaz pentsatzen dutena ezagutarazteko. Horretarako, Ainara Bravo eta Aitor Herranz oriotarrekin eta Martxel Aldai aiarrarekin hitz egin du, eta hausnarketa interesgarriak egin dituzte gazteek.
Bestetik, Aiako Lur Alkartasuna Kooperatibak ehun urte bete dituela eta, erreportaje berezia egin du KARKARAk. Gainera, Iñaki Iturainek Oriotarren errebote partida Saran izeneko artikulua idatzi du, eta beti bezala herritar askorentzat ezezagunak diren istorio eta bitxikeriak jaso ditu.