Orio Eragin klubeko jokalariak denboraldian murgilduta daude eta asteburuan ere partidak jokatuko dituzte. Alde batetik, gaur goizean, kadete mailako Sinergia Orio taldeak Aloña Mendi izango du aurkari Oñatin, eta Gipuzkoako Lehentasunezko Euskal Ligako lehen postua lortzeko norgehiagoka jokatuko dute bi taldeek.
Bestetik, kadete mailako bigarren taldeak, Neolith Oriok Ereintza izango du aurkari, gaur, 16:00etan hasita Beraunen.
Jubenil mailako Andu Proiektuak taldeak, berriz, bihar etxean jokatuko du norgehiagoka Ehariadearen aurka, Karela kiroldegian, 11:00etan hasita.