Itsasoa zakar dabil, olatuak kanpoko barra pasatzen ari dira goiz partean, eta horietako batek pertsona bat kanpoko barrako goiko partetik behera bota du. 112 larrialdi zerbitzura deitu duen herritarrak KARKARAri kontatu dionez, sei arraunlari korrika saioa egiten ari ziren barran, eta une hartan ez zebilen olatu handirik. Ordea, halako batean olatu bat atera da, eta arraunlarietako bat bota egin du beheko partera. Han min hartuta gelditu da, buruan kolpe handiarekin.
Anbulantzia, udaltzainak eta ertzainak bertaratu dira, eta anbulantzian dago min hartutako kirolaria. Herritarraren arabera, Zarautz Arraun Elkarteko arraunlaria da min hartu duena, baita beste bostak ere.
