Errefusaren eta organikoaren edukiontziak itxiko dituzte berriz ere Aian eta Orion. Pasa den martxoan zabaldu ziren herritarren segurtasuna bermatzeko Covid-19aren aurrean.
Edukiontziak irekitzearekin batera, organikoaren edukiontzian inpropioen kopuruak gora egin du, ordea, eta errefusaren edukiontzietan ostalaritzako poltsa beltz asko aurkitu dituzte. Horregatik, txartel bidezko irekiera berrezartzea erabaki du Urola Kostako Udal Elkarteak.
Azaroaren 30ean, astelehenean itxiko dituzte.