Eguerdiko 12:00ak arte izandako parte-hartze datuak eman ditu Eusko Jaurlaritzak. Gipuzkoan botoa emateko eskubidea dutenen %15,48k bozkatu dute, 2016ko Eusko Legebiltzarrerako hauteskundeetan baino bi puntu gutxiago. Boza haietan gipuzkoarren %17,53k eman zuten ordurako botoa.
Hiru lurraldetan ematen ari da jaitsiera, baina Gipuzkoakoa da handiena. Hala, Araban datuak antzerakoak dira: %13,51 aurten, eta %13,51 2016an. Bizkaian, berriz, %13,49k eman dute botoa eguerdirako, eta parte hartze datua %14,51koa zen orain lau urte. Hiru lurraldeetako datuak kontuan hartuta, jaitsiera 1,2 puntukoa da: %15,40 2016an, eta %14,14 aurten.
Jaitsiera honen atzean arrazoi desberdinak egon daitezke: goiz partean egin duen eguraldi kaskarra, pandemiak sortutako ardura, edota boto-emaile batzuk posta bidez eman izana beraien boza. Jaurlaritzak 18:00etan emango ditu hurrengo parte-hartze datuak. Gogoratu 20:00ak arte egongo direla hauteslekuak zabalik.