Datorren ostegunean, tailer teoriko-praktikoa eskainiko du Nerea Bordagarai haur eramaileen hezitzaileak, Sinergia fisioterapia zentroan. Saioan, gurasoen zalantzak argitzeaz gain, erakutsiko du haurraren eta helduaren posizio naturala errespetatuz haurra altzoan egoki eramaten; baita, merkatuko haur eramaileen artean aukeraketa egiten ere, familien beharretara eta bizitza estilora egokien moldatzen den haur eramailea aurkitu dezaten. Horrez gain, zoru pelbikoa babesteko korapiloak ere izango ditu hizpide.
Tailerra ostegunean izango da, 10:30ean hasita, eta doakoa bada ere, parte-hartzaileek bost euroko fidantza ordaindu behar dute izena ematerakoan. Dena dela, saioa amaitutakoan itzuli egingo zaie fidantza. Hala, tailerrean parte hartu nahi dutenek, info@urruma.eus posta elektronikora idatzi edo 621 337 541 telefono zenbakira Whatsapp mezua idatzi dezakete.