Urola Komunikazio Taldeko (UKT) tokiko gainontzeko hedabideetan ere eskainiko dituzte saioak: Uztarria.eus-ek Amaia San Vicente ipuin kontalariarena, Maxixatxen.eus-ek Xabier Etxaniz soinu-jotzailearena, Zarauzkohitza.eus-ek Occhi di Farfalla taldearena eta Baleike.eus-ek Jone eta Imanol Urbieta musikariena.
Bihar izango dute jarraipena emanaldiek; izan ere, herriko beste hainbat sortzaileren saioak prest ditu dagoeneko KARKARAk, baita UKTko gainerako hedabideek ere. Dena den, tokian tokiko saioen iragarpenen zerrendetan agertzen ez diren sortzaileek ere izango dute egitasmoan parte hartzeko aukera. Horiek bideoak zuzendaritza@ukt.eus e-posta helbidera bidali besterik ez dute; edozein kultur adierazpenekin lotutako emanaldiak onartzen dira. Beraz, animatu eta bidali zuen bideoak!