Zazpi urtetik aurrerako haur eta gaztetxoak triatloian murgiltzeko asmoz, VI. Aia-Orio Triatloia antolatu dute ostiralerako, 16:30ean hasita, Oribarzarko hondartzan. Niktri egitasmoaren barruan antolatutako kirol proba izango da, eta adinaren araberako distantziak osatu beharko dituzte parte-hartzaileek.
Triatloi txikian parte hartu nahi dutenek, egunean bertan, triatloia hasi baino lehen, izena emateko aukera izango dute. Informazio gehiago nahi dutenek eskuragarri dute Niktri atarian.
Distantziak
7-8 urte (2011-2012): 50m igerian, 1000m bizikletan, 250m korrika
9-10 urte (2009-2010): 100m igerian, 2000m bizikletan, 500m korrika
11-12 urte (2007-2008): 200m igerian, 4000m bizikletan, 1000m korrika
13 urtetik aurrerakoek (>2006): 400m igerian, 8000m bizikletan, 2000m korrika
Egitaraua:
15:00-16:00: Izen-emate berriak informazio gunean bertan egingo dira eta dortsalak banatuko dituzte.
15:30-16:15: Trantsizio-gunearen irekiera materiala uzteko.
16:30-18:00: Triatloi probak, gaztetxoenetatik hasita.
18:00: Parrillada