Otxandion III. Errementerien Yungura Jasotze txapelketa jokatuko da igande arratsaldean, eta bertan parte hartuko dute Aiako Jesus Mari Iruretagoiena Izeta III.ak, Orioko Joseba Ostolazak eta Jokin Eizmendi zarauztarrak, Arabako txapeldun Julen Diaz Urizaharrako Okina-rekin batera.
Harri-jasotzaileek bi ingude jaso beharko dituzte; bata 139 kilokoa eta bestea 95 kilokoa. Bakoitzarekin hiru minutuko lana egin beharko dute.