Urola Kostako Udal Elkarteak ikastaro berri bat antolatu du ostiralerako. Pertsona ekintzaileei edota mikroenpresetako enpresariei bideratutako sare sozialei buruzko ikastaroa da.
UKUEtik jakinarazi dute, ikastaroaren helburu dela ekintzaileei eta enpresariei sare sozialen inguruko erabilera profesionalago bat eskaintzea. "Beti ere, marketin eta komunikazio erreminta gisa ulertuta, sare sozialen bitartez bezero berriengana iritsi eta sarean beraien ikusgaitasuna areagotu dezaten".
Prestakuntza 4 orduko saio trinko bakar batean eskainiko da, Urola Kostako Udal Elkartearen egoitza nagusian. Maiatzaren 24an, ostiralean, izango da saioa, 09:30etik 13:30era.
Hona hemen prestakuntza saiorako prestatutako gaitegia:
- Sare sozialetarako estrategia digitala: helburu orokorra eta helburu publikoa.
- Sare sozial ohikoenen kontuei ahalik eta etekin handiena ateratzeko gakoak.
- Edukiak sare sozialetan: zertaz eta nola komunikatu.
Informazioa eta izen-ematea
Izena eman edota informazio gehiago jasotzeko, mezua bidali daiteke jpino@urolakosta.eus helbidera, edo telefonoz deitu daiteke 943 890808 telefono zenbakira.