Apirilaren 28rako eman beharko dute izena 10. Pala Txapelketa Herrikoian parte hartu nahi dutenek. Gomazko pilotarekin jokatzen da txapelketa hau, eta sanpedroetan izaten dira finalak.
Parte hartzeko bi baldintza bete behar dira: 18 urtetik gorakoa izatea, eta gutxienez bikoteko kideetako bat Aiakoa edo Oriokoa izatea.
Horrez gain, 10 euro ordaindu behar dira, eta harremanetarako telefono zenbakia eman dute antolatzaileek: 618-95 28 44.
Txapelketan izena ematera animatu dituzte antolatzaieek herritarrak. Iaz, sei bikotek hartu zuten parte pilota lehian.