Gomazko pilotarekin San Pedrotan egin ohi den txapelketa herrikoian parte hartzeko izen-emate epea ireki du dagoeneko Orioko Pilota Elkarteak.
9. edizioa izango da datorren ekainean ospatuko dena. Bertan parte hartzeko baldintzak, ondorengoak: 18 urte baino gehiago izatea, eta txapelketan parte hartuko duten bikotekideetako bat gutxienez, Aia edo Oriokoa izatea.
Parte hartu nahi dutenek 618 952 844 telefonora deitu behar dute apirilaren 25, asteazkena, baino lehen. 10 euro ordaindu beharko ditu bikote parte-hartzaile bakoitzak.