Txurrumuski Aisialdi Elkarteak eski asteburu pasa antolatu du Luz Ardidenera, urtarrilaren 20 eta 21eko astebururako. DBH 1etik DBH 4ra bitarteko gaztetxoak gonbidatu dituzte Ametsa gaztelekuan izena ematera, eta azken eguna urtarrilaren 11 izango dela ohartarazi dute. 95 euroko kostua izango du irteerak, eta ondorengo dokumentuak aurkeztu beharko dira izena ematerako orduan:
-Izen-emate orria (Gaztelekuan eskura daiteke).
-Baimen orriak (Ertzain etxean eskura daitezke).
-Osasun txartelaren fotokopia.
-Diru sarreraren ziurtagiria.
Dirua kontu korronte honetan sartzeko eskatu dute antolatzaileek: Laboral Kutxa 3035 0182 18 1820021770.