Itzulia gurean da

Alberto Contador txirrindulariari omenaldia egin diete Orioko Udaleko ordezkariek Itzuliko 5. etapa hasi baino lehen. Herriko plazan egin diote omenaldia, parte-hartze orria sinatu aurretik. Joxe Anjel Zalduak eta Aitziber Camposek oroigarriak eman dizkiote Contadorri.

Oriotik irtengo da gaur Itzuliaren bosgarren etapa. 12:00etatik aurrera bilduko dira txirrindulariak plazan eta 12:55ean izango da irteera. Oriotik irten eta Zarautz aldera joango dira txirrindulariak eta Eibarren amaituko da azken bigarren etapa.

Lehia bizia izan da gaurko etapakoa. Azken kilometroetan norgehiagoka estua izan da. Baina Aiako horma igaro eta gero, Samuel Sanchez aurrea hartzen joan da, etaparen buruan jarri da jaitsieran, eta bera izan da gaurko txapelduna.

4. etapa hau eta gero, sailkapen orokorra aldatu egin da. Mikel Landa dagoeneko ez da Itzuliko liderra. Orain Wilco Kelderman da liderra, Sergio Henao du atzetik eta Mikel Landa dago sailkapeneko hirugarren postuan.

Lehen hiru etapen ondoren hau da sailkapen orokorra. Lehen 30 sailkatuen zerrenda da argazkikoa. Mikel Landa euskalduna da, oraingoz, liderra.

Itzulia N-634 errepidetik iritsiko da Oriora. Orion kalez kale ibiliko dira: Antxiola, Kale Nagusia, San Martin ermita, Txanka bidea, Hondartza kalea, Eusko Gurdaria, Kaia kalea, herriko plaza, Aritzaga kalea eta Aita Lertxundi. Zubia pasa ondoren Aiara joango dira txirrindulariak.

Ondoren, berriz ere Oriora etorriko dira txirrindulariak. Txankatik sartuko dira eta hondartzara joango dira, etapa amaiera han egongo baita.

Aiatik Itzulia 15:00ak aldera pasako da. Lehendabizi Santiora joango dira txirrindulariak, gero kaskora, ondoren Laurgainera eta handik Zarautzera.

Gero berriz joango da Aiara, 16:30ak aldera. Ibilbide hau egingo du: Ubegun industriagunea, Errota, Arruti, Azkue, Illarramendi, Arizmendi, kaskoa eta herrigunetik Laurgainerako bidea egingo dute. Laurgainetik Oriorako bidea hartuko dute.

4. etapa honetako ibilbidea da argazkikoa. Kilometroa, altuera, errepidea eta eremua zehazten ditu. Oriora 84 kilometroan iritsiko da. Aiara 93. kilometroan.

Gaurko etapako mapa. Lehen zatia berdez dago, bigarrena gorriz eta azkena urdinez.

Gaurko etaparen ibilbidea Orion. Bi aldiz pasako dira txirrindulariak Oriotik. Lehendabiziko aldian ibilbide berdea egingo dute. Gero, gorria. Hondartza parean bukatuko da.

Gaurko etaparen ibilbidea Aian. Bi aldiz pasako da Itzulia Aiatik. Lehenengo aldiz, Zarautzera bidean, ibilbide berdea egingo dute. Bigarren aldiz igarotzean, Zarautzetik bueltan, ibilbide gorria egingo dute.

Lesakan hasi eta Orion bukatuko da gaurko etapa. Guztira 165 kilometro ditu eta Oriora 84 kilometroan iritsiko dira. Handik Aiara joan dira. Bi aldiz pasako dira Aiatik. Etapa Orioko hondartzan bukatuko da.