San Pedro jaiak ospatuko dituzte hilabete amaieran hasi eta uztaileko lehen astera arte, Aiako Andatza auzoan, eta Andatzako Auzo Eskola Elkarteak egitarau oparoa prestatu du beste urte batez, ospakizun horren harira. Hala, ekainaren 28an txupina lehertu eta auzoa jai giroan murgilduta izango da bost egunez. Ez dira faltako urteroko jarduerak: oilasko bilketa, erromeriak, herri kirolak eta herri afaria.
Aurten, gainera, Emakumezkoen Gipuzkoako Harri Txikien eta Gipuzkoako Txinga Eroate Txapelketak jokatuko dituzte. Bestalde, jaietara bertaratzen direnek auzoko elkartean afaltzeko aukera izango dute, eta horretarako 669 57 93 51 zenbakira deitu beharko dute, erreserba egiteko.
Egitaraua
Ekainak 28, igandea
- 16:00-19:00. Puzgarriak, frontoian.
- 18:00. Txupinazoa, jaiei hasiera emateko.
- 18:30. Erromeria, Ostolaza eta Larrañaga trikitilariekin.
- 21:30. Mutil ardoan egondakoen, elkarteko kideen eta gazte laguntzaileen afaria. Izen ematea elkartean egingo da, hilaren 19a baino lehen.
Ekainak 29, astelehena: San Pedro Eguna
- 10:30. Meza nagusia.
- Jarraian, Jubilatuen hamaiketakoa, auzo elkartean. Mahaia erreserbatzeko, 669 57 93 51 zenbakira idatzi daiteke.
- 12:30. Herri Kirolak: Ugaitz Mugertza eta Julen Alberdi aizkolarien erakustaldia.
- Ondoren, jubilatuen bazkaria.
- 17:00. Herriko Pilota Txapelketa.
- 18:00. Erromeria, Maitane Iturrioz eta Garazi Larrañagaren eskutik. Elkartean afaria eskainiko dute. Mahaia erreserbatzeko, 669 57 93 51 zenbakira idatzi daiteke.
Uztailak 3, ostirala
- 16:30. Oilasko bilketa egingo dute auzoko gazteek, baserriz baserri, Zabale eta Erkizi trikitilariek girotuta.
- 21:30. Mus txapelketa azkarra. Izen ematea 21:30etik 22:00etara.
Uztailak 4, larunbata
- 20:00. Poteoa, DJ Indatek girotuta.
- 21:30. Afaria, Euskal Parrillaren eskutik. Izena emateko azken eguna ekainaren 24a izango da. Horretarako, 669 57 93 51 zenbakira idatzi daiteke.
- Jarraian, DJ Indateren saioa goizalderarte.
Uztailak 5, igandea
- 17:30. Emakumeen Gipuzkoako Harri Txikien Txapelketa eta Gipuzkoako Txinga Eroate Txapelketa.
- Jarraian, sagardo dastaketa eta erromeria, Laja eta Lutxurdio trikitilarien eskutik. Elkartean afariak emango dituzte. Mahaia erreserbatzeko, 669 57 93 51 zenbakira idatzi daiteke.
- 23:30. Su artifizialak jaiei amaiera emateko.