Udaberri Sariaren lehenengo mailako pala finala jokatu zuten atzo Hernaniko (Gipuzkoa) pilotalekuan Aiak eta Astigarragako Mundarrok. Aiarrei dagokienez, Zubillagak Errastirekin jokatu du txapelketako zati handiena, baina finalaurrekoan eta finalean Aranberrik ordezkatu behar izan zuen Errasti, eta hala, Aranberri-Zubillaga bikotea aritu zen atzo Agirre-Zubiarrain bikotearen aurka.
Partida gogorra izan zen, estua, baina Astigarragakoek jantzi zuten txapela, aurreneko jokoa 10-8 eta bigarrena ere emaitza berarekin irabazi ondoren. Garaipenak ihes egin arren, gustura dira aiarrak, aurten igo baitira lehenengo mailara.